Daan Cu Minung Tuahmi A Si Ruangah Minung In Rem Thei Ding A Si : Daw Suu




Daan timi cu minung ih tuahmi a si ruangah a țul ahcun minung in rem thei ding hi a si tiah rampi thuron petu Daw Aung San Suu Kyi in March 15 ih Pago khawpi mipi tonkhawmnak hmun ah a sim.

“A rualran lomi daan pawl cu kan rem ding, daan timi cu minung pawlih tuahmi a si, curuangah rem țulmi cu minung pawlin rem thei ding a si, san thawn mil aw-in tuah ding, kan zate hrangah rualran thei dingin tuah ding a si, daan timi hmuar nei dingin cozah hnațuantu pawl a hleice in țuanvo an nei tiah kan sim thei” tiah Daw Aung San Suu Kyi in simnak a nei.

A dik mi daan thawn ukawknak hrangah daan cu thlun ding a siih daan khal hi rualran ding a si thu a sim bet.

“Kan ram minung pawl hi daan upat ih daan thluntu si dingah ka duh, a țhabgso mi ram pawl kan zoh tikah an mipi in cin le daan felfai zet an nei timi kan hmu thei” tiah Daw Aung San Suu Kyi in a sim.

Rampi thuron petu Daw Aung San Suu Kyi cu March 14 ah Pago ramțhen Pyi khawpi le Tharyarwaddy khawpi ih mipi tonnak a neih hnu March 15 ah Pago khawpi ih mipi pawl tonnak a nei tiah theih a si. Ref : AKT

 




Be the first to comment

Leave a Reply

Your email address will not be published.


*