Dokalhtu Um Khal Sehla Ka Sim Thotho Ding : Htin Lyn Oo




Thusimnak puai ah biaknak lam a soisel in thu a sim tiih phungki le upa hrekkhat pawlin an dokalh/kham mi cangan thiam hminthang Saya Htin Lyn Oo in dokalhnak um hmansehla Myanmar ramsung hmun tinkim ah ka sim thotho ding tiah April 8 ah simnak a nei.

“Hi thuhla parah zianghman hleice zetin ka tuar le ka ruahmi a um lo, ramkhel ka tuah ih ramkhel thuhla lawng ka ruahnak ah a um, thildang ruahmi ka nei lo, ka tuahmi theh ko cangsuak ding lawng ka ruah, thusimnak puai hmun tampi ah thusim ding a um lai, in dokalhtu lam ih thuhla cu ka thei lo, ka tuan dingmi lawng ka sun zom ding” tiah Saya Htin Lyn Oo in a sim.

April 7 ih thlanglam Okkalapa peng Tuh Mingalar pangpar hmuan ah 2008 daanhrampi rem ding mipi duhnak la ih thusimnak puai ah 88 generation ihsin U Mya Aye, cangan thiam hminthang Saya Htin Lyn Oo, captain hlun Nay Myo Yin pawl cu thusimnak caan an tuahsak.

Cumi ruangah phungki le upa hrekkhat ra tahratin miphun biaknak a soisel ti’n Saya Htin Lyn Oo le captain hlun Nay Myo Yin cu an ra dokalh ih buainak a suah ruangah kilhimtu khal an țhanter.

Buainak thuhla thawn pehparin kilhimtu mi pakhat cun “ra dokalhtu pawl hi Mah-Bah-Tah an silo tiah an sim, asina’n puai tinkim teltu nunau pakhat a tel, ra hnaihnok phun a si, buainak a thlennak hmunah palik pawlin kilhimtu an țhangter, daan thawn a mil lo mi thuhla sim lo dingah palik lam in an tuahsak” tiah a sim.

Cangan thiam hminthang Saya Htin Lyn Oo cu 2008 daanhrampi rem ding thusimnak puai ahhin Myanmar rampi huap hmun 6 ah thusimnak ding a nei lai tiah theih a si. Ref : MT

 




Be the first to comment

Leave a Reply

Your email address will not be published.


*