Fala Pawl Thawn Beer Intu Pacang An Nu In Dawr Ah A Thawi




Beer dawr ah fala pawl thawn nom cen in beer in rerotu pacang pakhat cu an nu in a hmu ih dawr sungah cun lut tahratin uico hrennak tokham thawn a thawi dan vedio hi mipa pawl hrangah ralrinnak pakhat dinhmun in online ah a lar ciamco.

Peru ram khawpi Perupiyanamizung khawpi bar pakhat ih thilthlengmi a si. Angki tlun hruk rang le kaki rawng bawngbi tawite hrutu nunau pakhat cun angki hru lo ih rak um an pa cu a thawi ciamco. Thuthang ih tarlang dan ahcun nauhak pawlih tlawng rawlei puai hrangah an khawlmi paisa cu an pa in a rak la ih beer dawr ahcun fala pathum cu beer a do ih cuti an tokhawm lai cu an nu in a hmuh tikah a thinheng tuk sup thei loin dawr rori ahcun a thawi ciamco.

Vedio file ahcun dawr ih zial ahcun a tlu zo mi pacang cu an nu in uico hrennak tokham, cabuai pawl thawn a thawi ciamco. Nunau dang pawlin an nu cu an rak dir ih dawr lengah an hruai. Thinheng tuk lai mi an nu cu dawr leng ih a pa a ra suah hnu khalah a ra tulril bet ih a thong ciamco.

Netalam ahcun mipa dang pakhat an lakah a lut ih cutin an thawi-awknak cu an cawl. Thawi tuartu an pa ih hmai cu a thling. Hi thuhla thawn pehparin palik lam in thubuai an tuahsak maw tuahsak lo timi theih a si hrih lo.

Video;

 




Be the first to comment

Leave a Reply

Your email address will not be published.


*