Falam peng Webula Myo Onpuai An Tuah Taktak Thlang Ding




Falam peng ih Myo an ṭhansakmi Webula khua cu a ralai dingmi April 3 ni ah onnak puai an tuah thlang ding ti’n CH in kan thei. Cuih onnak puai ni ah Chin ramkulh cozah ṭuanvonei pawl khal in an telpi ding ih CM Pu Salai Lian Luai in onnak a neih sak ding tiah theih a si.

April 3 ni ah Myo onpuai lawng siloin suakthuan tlawng onpuai khal tuahcih ding in tum a si.

Webula khawbawi Pu Ngun Sang in, Myo kan ngah theinak hi Pyine cozah ih tuahṭhatnak ruangah a si ih tlawng khal cozah lam in duhsaknak ruangah kan ngah mi a siih an parah lungawinak kan nei” ti’n CH hnen ah a sim.

Onpuai ah Sia pahnih le Vok pahnih that dingin an tum tiah theih a siih Webula cu 2017 November 11 ni ah Myo dinhmun ah khaiso mi a si.

2018 September 30 ni ah VP 2 Pu Henry Van Ṭhio in onnak nei ding ti a sinan ramcan lonak rungah a ṭhulh saal a si. Webula myo onpuai tuah daan ding thawn pehpar in March 22 (mizaan) ah tawlreltu upa pawl thuhla cipciar relfelnak an nei ding thu CH in thuthang kan ngah. Chinland Herald.

 




Be the first to comment

Leave a Reply

Your email address will not be published.


*