Myanmar ram ah Naute Hlonmi A Thicia In An Sar




Kaya ramkulh Loikaw khawpi ih thinlung lam dam lonak neitu nu pakhat cun a hrinmi naute thla 8 mi cu hnawm hlonnak ah a hlon hnu ni 3-nak ah thi cia in an sar thu theih a si.

Thilcang dan cu Loikaw khawpi Minsuh veng uksuh 9-nak Tiha le Saya San lamzin ton-awknak hmun ih Tirihmingalar lilawn hnuai hnawm hlonnak pakhat ah April 7 sundir suimilam 12:00 hrawng ahcun naute thi cia ih an sar thu report peknak vekin țuanvo neitu pawl cun a hmun ah feh in zohdiknak an nei.

Zinzoi dan bangtuk asile naute hi mipa a siih kum kim hrih lo a si hleiah ahlan ni 3 rei ah hlonmi a si thu zum a siih a ruak cu Loikaw senpi siizung ah fehpi in naute hlontu cu zinzoi a si.

Thla 8 mi naute hlontu nu Ma Khin Than Win (kum 27) cu Loikaw palik zung cun (ပ) 88/2019 yazatetgyi pukmah 318 in case an tuahsak tiah theih a si.

“Atu ahcun pukmah 318 in thubuai kan tuahsak, naute ih nu khal hi thluak kim lo a si an ti, anih hi kan kai hrih lo, thuhla felfaiten kan zinzoi rero lai” tiah Loikaw palik zung ih hotu police captain Zaw Moe Oo in simnak a nei. Ref : AKT, DVB

 




Be the first to comment

Leave a Reply

Your email address will not be published.


*