Myanmar Ramsung Remdaihnak Ngah Ding Ah Kan Zaten Relkhawm A Tul : SNLD




Ramsung remdaihnak ngah dingin acozah, ralkap le tlangpar hriamhreikai zaten tongkhawm aw in relkhawm a țul tiah SNLD chairman U Khun Htun Oo in April 5 ah simnak a nei.

“Atu remdaihnak khawmpi kan tuah, remdaihnak khawmpi kan tuah timi hi remdaihnak le a ngah hrih cuang lo, tlangpar hriamhreikai pawlkom le tor le seng, a zaten pawlkom 18 rori a si, pawlkom 18 sungah pawlkom 10 in NCA ah an tel, pawlkom 8 cu saklam pawlkom ah an um, curuangah himi pawl thawn remdaihnak tuah ding cu thil harsa zet a si, curuangah remdaihnak timi cu kan zaten tongkhawm aw in phunkhat le phunkhat, pawlkom pakhat le pakhat, hriamhreikai siseh, hriamhreikai lo siseh relkhawm tahratin thil cang suak ding rori’n tuah dingah ka forhfial aw duh” tiah SNLD chairman U Khun Htun Oo in a sim.

Rampi president U Thein Sein sanlai 2015 October 15 ah NCA cu hriamhreikai pawlkom 8 thawn lungkimnak ca an rak kheng. Cuvek thotho in atui ding lai acozah kut sung 2017 ah Mon Pyitit Party le Lahu Democratic Party in NCA ah lungkimnak ca an kheng ve ih rampi thuron petu Daw Aung San Suu Kyi hohanak in “The 21st Panglong Conference khal tuah thok a si.

Atu NCA ih lungkimnak ca kheng lotu tlangpar hriamhreikai pawlkom pawl cu saklam tlangpar hriamhreikai pawlkom an siih KIA, TNNLA, AA, MMNDA, KNPP le SSPP hriamhreikai pawlkom pawl an si thu theih a si. Ref : AKT

 




Be the first to comment

Leave a Reply

Your email address will not be published.


*