31.3 C
Kuala Lumpur
Saturday, December 14, 2019

Pasal Nei Thar Pawlin Kan Thin-awk Ding Ziaza Thalo 8

Must Read

Malaysia UNCHR in mithar a la ngaingai maw?

Tui zing, November 28, 2019 ah Myanmar ram ihsi raltlan mipi tamzet cu UNHCR in mithar a la ding...

Korea Lemcang le hla sak thiam Gu Hara cu a inn ah thi cia ih hmuh a si

KARA group ih rak um dah mi hlasak leh lem cang thiam Gu Hara cu a liam cia November...

Chin Hminthang Tertu Esther Dawt Chin Sung le Benjamin Sum

Tufang cu putar, pitar, nauhak upa tiloin Myanmar Idol ih buai a si cio. Tuihlan ah Myanmar Idol hin...

Nunau hi mipain duhdawt zet sehla kan tiaw ṭheu i, mai lamih va duhdawt ve hi pasal kan neih hnu lamah kan tum lo maw, kan thiam lo si ding!
Tlangval neih laiah cun ziang tinkimah ngaithiam thluh thei kan si laiah kan neihawk hnu cun pasalle kan uk tum tuknakah mi tampi cun mâk kan tawngih, pasalin in mak lo hmanah nupa lungawi, nupa nuam-aw kan si thei dah lo. Pasal na neih hnu hnu cun na ziaza ṭha lo pawl na ṭhin ve a ṭul. A tlangpi thuin mi zo poh pohin, pasal kan neih hnu hnu cun, kan ṭhin-awk tulmi ziaza pawl ka hun ngan kei, rak siar ciau uh law.

1. Rel Lo Khale A Thei Ding;
Fala tlangval ngaiawk laiah cun kan thinheng, thin bang, tivek cu kan rel lo khale, in duhdawt ngai ngaiah cun in thei ti phunin kan tlang tlangih, cu cun buainak tampi a suahter tuk lem lo. Mipa tam tak, an fala pawl thinlung thei thiam thei lo an um ve. Nupa kan si hnu hnu cun, ka rel lo kha le in thei ding ti lungput neiih zianghman rel duh loih na um le a netnakah nan nupa nan buai teng teng ding.

2. A Rualpi Pawl Parah Awka Sia Hmang Hlah
Zo khalin rualpi/hnaṭuanpi kan nei thluh. Kan pasal lei rualpi pawl cu an cangvaih dan le ṭawngkam hmandan kan lungkim lo tuk a si hmanah awka sia le mawi lo takih rak biak hi a ṭha lo zet. Kan pasal in in hmuhdan a dang thluh theiih in rak theih le zum dan kan rak si lo, tiih thuruahnak an nei thawkih thinlungah nupile thuhla ruahdan dik lo an nei ṭheu. An rualpi zahlonak (disrespect) cu anmah, kan pasal le zahlonak a siih insangah buainak a suak duh zet. Na pasal rualpi cu a umdan na duh zawng a si lo hmanah awka ṭha tei biak tum aw.

3. Mai Zawn Lawng Ruat Hlah:-
Insang kan din hnu hnu, mahten kan um nawn lo, kan pasal le thawn, an sungkua pawl thawn kan sih cihaw thluh zo ti theiin mai zawn lawng ruahnak kha kan tanta a ṭul. Ziang na tuah kha le na ruahdan lawng si loin nan pahnih hrang le, khatlam sungkua pawlih ruahdan ding tiang na ruahnak vang na kauhter a ṭul. Mah zawn lawng ruahnak a tum tikah nupa an pumkhataw rei thei dah lo.

4. Nauhak Vekin Khua Ruat Hlah
Kawl pawlin (ကေလးဆန္) an tivek hi a um thei ih, nunau tampiin pasal an neih hnu tiang hi lungput hi an sawm vivo tum theu. Ngaizawnawk laiah cun nauhak té vekih lem na ṭul kha le, a lo lem. Asinan, tu cu nan neiaw zo. Lem ṭul ring ring, thil fatê zet khalih ngawl ring ring tivek lungput tanin thinlung pitling na put a ṭul ve thlang.

5. Amai Ngaithiam Dil Lawng Hngak Hlah
Falat laiah cun na tlangvalin ngaithiam a lo dil ring ring ti aw maw! Khai lungput kha insangah na sawm vivo cun a netnakah nan to-aw la la ding. Mi zo pauh kha uar-awknak, duhawknak kan nei thluh. Na pasal thawn thu nan el-awk ni a um teng teng ding. Cutikah, na palh sawn rori a si ahcun nangma’n ngaithiam dil ve mai aw. Pasal lei ngaithiam dil lawng lawng hngak na si ahcun nan nupa lungawinak a ṭhanglian thei lo ding.

6. Nupa Dang Thawn Va Tahthim Hlah
Nu tampiin an pasalle thinlung an natter biknak cu sungkaw dang, Insang dang pawl an tahṭhim theu hi a si. An lian, an fim, zu an duh ve lo, mi tidan an thiam, etc. Na pasal kha a lungthin nuam lo ko um sehla, a netnakah ngaizawng dang nei seh ti na duh asile insang dangih mi pale pawl an fim, an thiam, boruak an hai thei thu pawl le a tluk lo thu kha va sim theu aw. Cule, nan duhdawtnak cu na theih man hlanah a ziam lohli mai ding. A ngai ngai ahcun mi insang thuhla hi kan rak thei thluh dah lo. An rak buai vein, kan nupa hi in rak daw tuk tla a si thei so khaw! Mi insang nun si loin na insang nun a nawmnak ding, na pasal a lungawinak ding sawn kha ruat aw.

7. Nawmnak Uar Tuk Hlah
Falat laiah cun bazar feh, lakphak in, hmuk a thaw thaw ei, angki mawi mawi lei kha na rak uar ve ding nan, tu cun na ṭhum-awk a ṭul. Milian zet nupi na si hmanah sumpai ren lo tuk le nuam lawng lawng na uar ahcun rei na daih lo ding. Nawmnak hrial aw, tinak si loin, nawmnak lawng lawng kha ruat tuk nawn hlah, ti sawn a si.

8. Nan Pahnih Theih Ṭulmi kha Thup Hlah
Hi hi a pawimawh bik miang mo. Nupa nan si zo ahcun nan karlakih thu hla pawl zep, na sim duh lo, thu thup tê tê na nei theu a si ahcun, cu cun nupa karlakah zumawklonak a suahpi ih, nupa karlakah thenawknak hram a thlak ṭheu. Nan thuhla kha thup loin rel tlang ṭheu uh.

 

LEAVE A REPLY

Please enter your comment!
Please enter your name here

Latest News

Malaysia UNCHR in mithar a la ngaingai maw?

Tui zing, November 28, 2019 ah Myanmar ram ihsi raltlan mipi tamzet cu UNHCR in mithar a la ding...

Korea Lemcang le hla sak thiam Gu Hara cu a inn ah thi cia ih hmuh a si

KARA group ih rak um dah mi hlasak leh lem cang thiam Gu Hara cu a liam cia November ni 24 ah a inn...

Chin Hminthang Tertu Esther Dawt Chin Sung le Benjamin Sum

Tufang cu putar, pitar, nauhak upa tiloin Myanmar Idol ih buai a si cio. Tuihlan ah Myanmar Idol hin kan Chin mipi in rak...

Mayweather in Manny Pacquiao Thawn Thongawksal Dan Ding Tawlrel

Floyd Mayweather cun China lam ih thong awk nak ding lam cu ruat thei loin Manny Pacquiao thawi' thong awk dan ding lawng lawng...

Vice President Thu In Hakha – Hman Daw Lamzin Tuahnak Hrang Ramkulh Paisa 1 billion hmang ding

Chin State cozah hnaṭuan dan thuhla rel theitu, Municipal chief U Soe Htet cun, Rampi Vice President U Van Ṭhio ih thupek vekin Chin...

Thuhla Dangpawl