Pukmah 59(f) Kan Kaihhnget Hi A San Nan Thei Maw: Wai Lwin




Myanmar rammi tengteng in president a țuan ding timi 59(f) ah tarlangmi a um thu Union Solidarity Development Party (USDP) central ih hnațuantu U Wai Lwin in simnak a neih thu theih a si. April 8 ih tuahmi USDP tonkhawmnak le daanhrampi simfiangnak Naypyitaw ah atu bangtukin simnak a nei.

“Myanmar ram president cu Kala a si thei lo, English khal a si thei lo, Tuluk khal a si thei lo, Myanmar rammi tengteng, Myanmar rammi a si tengteng ding tiah daan hi tuahmi a si, curuangah pukmah 59(f) hi kan kaih fekfeknak a si, nan theifiang thlang maw” tiah USDP central hnațuantu U Wai Lwin in a sim.

Cuihleiah 59(f) hi 2008 daanhrampi ih a muril rori a siih 2008 daanhrampi ahhin kan țuanvo pathum (ဒို႔တာဝန္ အေရး ၃ ပါး) khal hleice zetmi a si thu a sim bet.

2008 daanhrampi chapter 3-nak president le vice president cu pukmah 59(f) ah amah rori siseh, a nulepa siseh, a nupi a silole a pasal siseh, a fate pakhatkhat siseh, a fate pawlih nupi a silole pasal siseh ramdang acozah ih rammi sinak neitu asilo ding timi tarlangmi a um. Ref : AKT

Bama (Burmese), miphun duhdawt taktaktu pawl hrang ahcun 2008 Constitution, Section 59 (f) thleng ding an duhlo khal hi an mawhlo lawlaw a si. Ram le miphun duhdawt le ngainat lo ruangih hnamdangmi nupi/pasal ih Nu/Pa in President a ṭun lo ding timi an kaihhnget hi thil awm-ang zet a si.

 




Be the first to comment

Leave a Reply

Your email address will not be published.


*