1. Trump & The Squad: Tu nai ah khan President Trump cun US Congresswomen (MP) mi 4 cu na takin a phawm hai. “Nan ratnak sualnak, eiruknak le buainak tamtak cu va tifel uhla ra kirsal uh…Nan feh suksonak cu Speaker Nancy Pelosy in alakin a lo tawlrelsak thei ding” a ti. Hiti a ti mipawl cu Democratic Congresswomen nunau 4, ṭawng thei tak, America le Trump siatnak lawnglawng rel, Muslim le Socialist ram ṭhatnak lawnglawng rel ṭheu an si.

#Cupawl cu Alexandra Ocasio-Cortez, 29 (New York), Ilhan Omar, 36(Minnesota), Ayanna Pressley, 45 (Massachussetts) le Rashida Tlaib, 43 (Michigan) an si. Alexandra Ocasio-Cortez hi AOC an ti mai ṭheu, Socialist rori a si. Tulai American mino, ahleicein Democratic liberal hleice, miluarkaipawl lakah Socialist (Kan ram tifarah thluhtu Ne Win policy) uartu tamnak New York 14th District ihsin tling a si. Amah hi 2018 hril tlin a si laiah kum 28 lawng a si ih Democratic Congressman milar Joe Crowley nehih hriltlin a si. Liberalpawlin nunau cawisan le Mirang si lo cawisan an uar tuknakih tling a si. Union Territory Puerto Rica ih piang Catholic a si.

#A pahnihnak Ilhan Omar hi Somalia ihsin kum 12 a kim ah US lut Muslim a si ih pasal pahnih a nei zo. Minessota 60B District ihsin 2018 ih hriltlin a si. an reldanah hi bialah hin Obama san laiah Muslim 70000 lai ret an si ih tu cu vote an thlak thei thlang ruangah cupawl vote ih tling a si ti a si. Hi hi Democrats-pawlin Open Boader an duhnak cu a si. Anih hi al-Qaeda le Osma Binladen khal rel se duh lo Israel dodalnak le America siatnak lawnglawng reltu a si. Tax a rak pek laiah a ṭhen zo mi a pasal hminin a tuah mi le a u cu ka pasal a rak timi zingzawi rero lai a si.

#A pathumnak Ayanna Pressley hi Massachussetts 7th District ihsin 2019 ih hriltlin a si. Hi District hi John F. Kennedy rak dinnak bial a si. Liberal zet a si ih Trump le America siatnak lawng lawng rel theu a si. A palinak Rashida Tlaib hi Michigan 13th District ihsin 2018 kumih hriltlin Muslim a si. Ani hi Palestine ihsin a pale ra vai an si. Israel le America siatnak lawnglawng rel ṭheutu a si. Hitei pali hi tu nai khalah House ah Israel thil hrimhrim dodal(boycott)nak dan an pulut nan hnawlsak an si. Trump hlawn dingih au ringringtu an si.

#Trump in , “Nan raknak ah va kir uh” a timi cu Democratic Party pawlin ,”Hnam thlirawknak” tiin anmai kawnṭhawl House ah demnak an tuah. Cun Trump hlawnnak ding an pulut cih nan Member 435 lakah 97 lawngin an ṭawmpi. Asinan Trump duhtu le thlawptu an pun phah riai. Democratic party cu hitei pali thlavang hauhnak ah an hmai a bal thluh. Cun Media-pawl Trump in ,”Fake News” a ti ringring khal a mawh lo. “Va feh uhla, ra kirsal uh ( …and come back) a ti mi rori kha, “ra kirsal uh’ timi rel lang duh loin “Va feh uh” ti lawng an rellang ruangah Trump cu , “Racist’ tiin thiam lo an cantir hai nasa. A rel duh mi cu, “Leiltun ram ropi America ukawkdan mi nan zirh ringring, cutluk lawmmam ih thiam le thiltithei nan si cun nan ratnak hmunpawl eithupnak le bawrhhlawhnak ih khat kha va tifel uhla, cutin nan thu kan ngai ding” a tinak a si.

#Trump cu dungtawlh mai loin, “America nan hua ih America ih um nuam nan ti lo a si ahcun na duh tiktikah nan suahsan thei” a ti bet lai. Cun neta ah , ‘Hitei pali hin America an duhdawt tehi ka zum lo” a ti bet. Ilhan Omar cun, “Trump hi ka tibuai vivo lai ding” a ti ve. Presssley khalin, “Anih hi President tiin ka ko thei lo, White House luah hrimtu a si” a ti. Tlaib khalin, “Trump hi hlawnih thawngthlak a si tiang kan dodal ding” a ti. An zalennak hi an hmangsual mahmah maw tla ka ti ṭheu.

2. Robert Mueller Talbuai: Democratic-pawl cun Trump hlawn theinak lamzin a um pangah tiin kum 2 lai rak zingzawitu Robert Mueller cu House Judicairy Committee ah July 24 khan an koi h thusuhnak an tuah. Asinan an beisei vek si loin a talbuai nasa. Thuthar zianghman a suahpi lo hleiah amai thu khal a kalhaw leuhleuh. Democratic lam thusuh cu, Aw, Si” tivekin a sang thei nan Republican thusuhnakpawl cu, “Ka thei lo, ka hnaṭuan leng lam a si, ka mang lo, hun relsal aw” ti lawng lawng a si.

#Ṭhimnakah British thlingthlatu, Russia Colusion an tih mi suahtertu cu Report ah a hmin a lang nan a thuhla a lang lo. Cucu Collin(R-GA) in a suh tikah, “A thu kan zing zawi lo” a ti. Collin cun, “Buainak suahnakbik hi nan zingzawi lo maw” a ti tikah, “ Kan hnaṭuan leng lam a si” a ti. Cuhlei ah Trump thurawn upa hlun Gen. Michael Flynn cu thuphan rel tiin thawng an thlak nan ziangah midang thuphan rel thawng nan thlak lo timi thusuhnak khal a sang thei lo. Cun amai report pawl khal ka thei lo, ka thei fiang lo ti lawnglawng a si

Trump zingzawinak ah hin thil pahnih zingzawi a si. Trump campaign le Russia ṭuantlannak an nei maw? timi le Trump in Thuṭhennak a kham maw? timi a si. Hitei pahnih ah a sualnak an hmu lo veve. Thuṭhennak a kham maw timi ah hin ,”Sualnak tling kan hmu lo” a ti cingin, “Trump cu a luat lo” a ti. Cucu Republican palai pakhatin, “Department Of Justice dan ah mi pakhat a sualnak an hawlih thubuai an tuahsak lo cun a luat a si ko lo maw?” Mueller cun , “Si e, asinan Trump cu a dang” a ti. Palai cun thuṭhennak hmaiah kan zate kan bangaw ti a si ih a danglamnak in sim thei maw a ti tikah Mueller cu a talbuai lala. Mueller hi amah ṭan zettu Liberal Media-pawl tiang sawisel a hlawh nasa.

#Liberal Filmmaker Michael Moore tla cu Mueller cu micak lo, rin tlak lo, tar aa tiangah a suah. Mueller rak rinsan ememtu Sen. Boker (D-NJ) lephei cun a hmai ih thawng ka duh a ti rori a si. MNSB thuphuangtu hmanin a mangbang thu a rel ve.

3. UK PM Thar Boris Johnson: UK Conseravative Party cun hruaitu thar ah Boris Johnson an hril ih PM khal a ṭuan cih. Brexit timi UK cu EU ihsin suah ding thu tawlreltu bik a si. 2017 ah khan PM May ai ṭuan dingih an zum zet mi a si nan, “Ka ṭuan lo ding” a ti ruangah hril a rak si lo. Anih hi conservative zet a si ih Trump in a uar nawn. Curuangah Liberal Media pawlin an kap thawk rero zo. Anih cun lungkimnak an neihah maw neih lo ah maw an rak ruat cia vekin October 31 ah EU ihsin an suah ding thu a rel. Jedidya Lal Lian Zual ih Page ta laksawngmi a si.

 

LEAVE A REPLY

Please enter your comment!
Please enter your name here