US Ih Zuar Sian A Si Lonak Thu Ah Lungkim Lonak Pawl Huawei Ih Simnak

29 May ah Huawei cun US cozah ih ban nak cu (illegal) dan pahbal ih thil tuah mi a si tiah ti. Huawei ih thubuai hin US le Huawei company lawng si loin China cozah thaw khalin an karlak sumdawnnak lamah harsatnak a thlenter a si. US cozah in China cozah hi Huawei company ih phenah a um mi a si ih ram humhimnak lamah ṭih a nung ding tiah an ruahnak hi a rei thlang hman sehla Huawei cun US ih puhnak cu a el ringring.

March thla ah khan US in Huawei cu a ramah Huawei thilri pawl lei le hman nawn lo dingih thu a suah ruangah Huawei in National Defense Authorization Act (NDAA) timi parah ṭhumaw in taza a cuai tiah CNBA (business news) cun a tarlang. Thusuhnak an tuah mi ah, Song Luiping, Huawei company hrang ih lubik sihni (legal officer) cun US ih Huawei ban nak cu thuneihnak hringhrim ih thil tuah a si ih Huawei company um nawn hlahseh ti duh ih tuahmi a si tiah a sim.

Cule, politicians (ramkhel lam ih hruaitu) pawl in mipi pawl ih thazaang hmang in private company cu dodal a si ih hi vek thil cu a danglam ih tuihlan khalah hmuh kel mi a si lo. US in Huawei hi rampi hrangah ṭih a nung a ti mi khal mithmuh tham theih in (prove) khal zianghman a tuah fawn lo. Meithal siseh, meikhu siseh hmuh ding a um lo nan an ruahnak lawng a si tiah a sim.

Trump ih thusuah mi, Huawei thil lei nawn lo ding le an hnen ih thil zorh nawn lo ding a ti mi in an karlak ih hmuhawk thiamlonak nasa zetin a ṭhang ter. Cui Trump ih thu suahmi in Huawei parah harsatnak tampi a thlen. Ziangahtile, Huawei hin US ih company tampi hnen in thil a lei ih cu tiin sum tuah a si. Huawei cu US ih thil zuar le lei ngah nawn lo (trade blacklist) ih ret a si ruangah US company, Google tivek khal in Huawei thawn an pehtlaihnak an cat ter thehnak a si.

Cutiih US le Huawei karlak ih thu harsa cu Huawei CEO Ren Zhengfei in hivek thubuai pahtlang dingah kan timtuah ṭhepṭhep ih leitlun huap company lakih hmaihruaitu hlawhtling si dingah hmailam lam ih nawr rero hi kan tumtah mi a si a ti.

 

LEAVE A REPLY

Please enter your comment!
Please enter your name here